文記

這家名為文記的店,晚上無論外賣還是在這裡用餐的人總是超多的!文記源用開業時一直採用的秘方處理雲吞、面底及湯水。包雲吞的蝦都是挑了蝦腸,而每日也是新鮮制造。大大粒充滿了鮮蝦的爽甜及彈牙口感,每粒雲吞入面都有3隻吾同size GE蝦,鮮味而不肥膩。鍾意食鮮蝦雲吞GE你點可以錯過。

另外,尤魚面也是很多人愛吃之一。自認吃得辣的,一定要試試這裹咖哩。每晚都有很多人前來,20斤雲吞天天沽清,要吃到就要請早了!因為我試過11點半去到已經賣曬,所以想食GE你就吾好咁遲先去啦。

地址:澳門渡船台(渡船街美心餅店的對面)

營業時間:下午07:00至零晨01:00

金隆雲南米線

金隆在澳已有十多年歷史,一直堅持用最食料,做最好的食品。來到金隆你就能嘗到源於蒙自的過橋米綫,它以風味獨特,用料考究,制作精美細,營養豐富,絕頂好湯而聞名,另有昆明人最愛的酸辣小窩米綫。

店內人氣推介[金隆四大天王米綫],配料有炸醬,燜肉,五香牛肉等。另外多年以來本店還增加了很多各地美食,有四川的紅薯粉及麻辣湯,山西刀削面,香港的樽仔奶茶,西雙版納的木瓜水,建水的汽鍋雞湯,玉米的撈米綫,上海的雞湯泡飯等……

樽仔奶茶,是自家用樽仔裝著調好的奶茶放入雪櫃雪凍的,給客人時再放入冰桶保持溫度,保證夠冷又夠味,不會讓冰溝淡了奶茶的味兒。

 

所以來到金隆等於帶你的味蕾去旅行。在未來的日子金隆也會堅持一慣作風,用心去做好美食,等你來品嘗。

電話:28210660

地址:澳門渡船街30號地舖

Coffee Pattern

今期為大家介紹一間比較特別的COFFEE SHOP,特別在於甚麼呢?就是它有不定期的藝術展覽或小手作販售,店主是位愛看食物營養標籤的人,每次買食物都會看看到底有甚麼成份,久而久之發現買到的食物只是配角,添加劑才是主角,他們彷彿進入了「份子料理」的年代。

看來簡單的雪糕,竟可找到:增稠劑、乳化劑、酸度調節劑、色素、香精、卡拉膠等等等等,有的甚至只有奶粉連牛奶也沒有。在如此慘不忍睹的情況下,他們就自己動手做雪糕吧。由於無添加,所以手工雪糕很快就會溶化,口感也不會如知名品牌般綿密,但請放心看一下「手工紫薯雪糕」的成份:紫薯、法國淡奶油、牛奶、雞蛋、砂糖,加點耐心和時間,就能做出低糖健康的美味雪糕了。

拿鐵有著漂亮細緻的拉花圖案,最近對拿鐵的味道上有種執著的追求。喜歡到訪不同的店家去嚐試,而心中已認定最好的在哪~ 這家喝得到咖啡豆的濃香而奶味偏淺,芳醇的香氣不酸不苦!口感細膩滑順 烙印在味蕾上的好滋味,經過慢火細煮40分鐘的手工抹醬,香濃稠滑,散發淡淡花香。

地址:高士德美的路主教街德昌大廈地下C舖

營業時間:星期一: 11:30-19:00

星期三至日: 11:30-19:00

咖喱妹

三盞燈區在香港傳媒多番介紹之下,漸漸成為「景點」,雖無名勝古蹟,但有不同風味的美食,吸引不少遊客,咖喱妹便是其一。咖喱妹在三盞燈開業已有15年,以咖喱腩及墨魚丸馳名。選用新鮮牛腩加上以10多種香料混合而成的咖喱,味道香濃辣而不寡,自家炮製的咖喱油,每月可賣出過千瓶,不少熟客和遊客都喜歡買來自用或當手信。

除此之外,還有瓶裝的辣椒油、鮑魚XO醬及蝦子等供應。咖喱妹的墨魚丸爽口彈牙,也是十分受食 客歡迎。除了麵食,咖喱妹還有多款自製的飲品,如雞骨草、豆奶等供應,也是暢銷的產品。

地址:三盞燈圓型地3號

電話:2821 7788

樹咖啡

上星期同屋企人行到塔石聽人講係塔石圖書館後面有一個CAFÉ叫樹咖啡。所以去行下睇下搵吾見到,點知差吾多行左成條街終於搵到。呢個鋪頭好有置身於葡萄牙GE感覺,因為後面係葡式建築圖書館加上店家的木梯裝飾擺設,充滿葡式氣氛。

今次推介佢地其中一個套餐——野菜三文魚飯糰套餐,佢個套餐顏色很鮮艷,很多不同種類的蔬菜,份量都適中,個餐入面有芝麻醬豆腐沙拉 清灼雜菜同水果,而餐具都是木製的,比人簡單舒適的感覺。都佢主角野菜三文魚飯糰,味道卻不太討好,三文魚比較乾,是像三文魚乾。但佢其他做得幾好,特別就係佢個好似芝士煙肉薯蓉戈個小食,真係做得好好,佢吾會好流,這個十分讚,喜歡綿密口感或者喜歡芝士味道的話絕不能錯過。

整體黎講,呢間主要都係有一個舒適GE環境同埋特色GE小食都比較好,所以大家行到戈邊都不仿可以試一試。

地址 :新橋塔石街5B朗晴軒地下J舖
營業時間 :13:00-22:00

Hana Hana Cafe

到左夏天,大家都會諗到GE就係放暑假出去玩GE時候,但係咁熱GE天氣行行下街都想搵一間CAFÉ休息下渡過美好的一天。今次我就介紹位於塔石街朗晴軒7號地舖ge HA HA CAFÉ 。Hana Hana café係一間比較少女化,門囗放滿花草盆栽,內裝修也是以花草主題ge cafe,每張抬也畫上花朵作裝飾,而店舖比較細,所以比較適合兩三個人去tea ge地方。

講得話tea點可以吾介紹佢地個主題花茶,佢地同出面一樣有幾種口味,除個人起好去選,佢地個茶係用了碎花茶器盛載,上茶壺下茶杯,單是器皿,都已經令人傾心。茶杯中放入了大量的果粒,把熱暖的紅茶倒進去,再自行加入適量的蜜糖,據知是很討喜的一杯飲品,渡過熱熱的一天。

而店內都有多款吸引的輕食,包括牛角包、三文治、waffle等,但講得明食下午茶主角的當然係吐司啦,佢地個焦糖雪糕蜜糖吐司 係招牌野,佢地每件吐司都係經烘過,全部都很金黃也熱暖,脆身得來質感帶點實,在熱暖質感拌上冰凍香軟的雪糕,輕香不膩的忌廉,以及適到好處的焦糖醬,味道是不錯的。所以大家係行街時覺得熱,又係在附近不嘗試試,是一個很好的休息地方。

地址 :新橋塔石街朗晴軒7號地舖
營業時間:12:00-19:00
星期一 全日休息

關東煮手作坊

今次為大家介紹一間黃昏日落先會開鋪GE小食店,佢就係關東煮手作坊,大家都會諗間間都係淥淥下有咩特別。特別就特別在呢間野真係由一個日本人主理,大至裝飾細至醬油都係跟足日本風格,令你置身於日本一樣。

首先最重要的是湯。呢間店GE湯超清甜,係用左日本昆布、鰹魚等秘方,精練出黎,絕無味精,所以佢個湯昆布味十足。好似腐皮戈蕭野加埋D湯一齊食簡直鮮甜到一個點,完完全全入晒味。魚丸魚餅類亦佳,特別是那個熊仔造型的魚餅更是可愛。

仲有要介紹佢地自家制GE甜品,佢食落好似麻薯,口感好好,吾會好甜。

總括黎講,呢家係澳門首間關東煮,比起鄰近地區,我認為呢間係特別好食,湯比較鮮。想食番日本口味GE大家都可以黎試一下。

地址 :新橋先刂雞街41號永昇大廈43號地舖
營業時間:17:30-01:00

七賢小食店

三盞燈係澳門其中一個舊城區,每逄假日都會有好多外地勞動人士聚集GE地方,當然附近就會有佢地口味GE家鄉小食啦,慢慢緬甸菜都可以算係澳門特色之一。今次要介紹GE係位於竹林寺對面GE七賢小食。有好多人認為雅馨好過七賢,但我認為性價比七賢絕對比雅馨更好,所以我今次介紹七賢小食比大家。

我覺得最出名又好食既系雞絲撈麵同椰汁雞麵。首先介紹佢個雞絲撈麵,佢個賣相雖然普普通通,但食落非常吸引,佢個麵上面落左好多炸蒜, 食落又香又甜又趣, 加上佢隻麵條系自家手打,非常有口感,吾似出面D機打麵有鹼水味。加埋辣醬拌生洋蔥,偏酸的辣醬同麵GE醬油香再加上洋蔥的香口,味道GE結合,根本令人食指大動,最重要就係佢個辣的酸減和左麵本身GE醬油膩,真是一試難忘。

到佢個椰汁雞麵,佢個汁比一般外面既濃,所以每啖麵都裹住椰汁同咖哩汁香氣,非常濃郁。加上佢D雞係指咖哩雞但係不會太過辣,仲同佢個汁非常之絕配,根本係係其他緬甸鋪食吾到的口味。

最後佢GE價格非常適中吾會話好貴,水準我認為比其他高,所以呢間七賢小食值得向大家推介。

地址: 新橋羅白沙街1號

電話號碼: 2837 6297

艾菲兒鬆餅

現在澳門街CAFÉ店開到成行成市,咩種類都有,但性價比高GE都吾係有好多間,今次就等我介紹下一間性價比較高GE一間CAFÉ店比大家啦。佢就係艾菲兒鬆餅。呢間店係以巴黎鐡塔作為主題,店舖裝飾都採用左日本雜貨風格,既可愛又浪漫。味試佢D質量都覺得值回票價。

講番重點,而家就黎介紹下佢個主食滑蛋豬排飯,一睇落佢個飯好似冇咩特別都係蛋加塊豬排,食落雖然佢塊排冇比其他專門賣排為主食GE店好,但比其他CAFÉ做得好,冇咁硬,仲有小小伴菜TIM,認為覺得OK。

都佢個重頭戲啦,話明係艾菲兒鬆餅點可以吾試下佢D鬆餅呢。今次點左個香蕉朱古力冰淇淋鬆餅,我一口咬落去就覺得佢D鬆餅脆度啱啱好配埋個雪糕又係另一種感覺,熱同凍之間係個口入面互相跳動,非常可口。而佢伴碟戈D忌廉我都吾放過,因為實在太軟滑又吾係好甜,所以艾菲兒戈D鬆餅係我食過最好GE,所以大家值得去試。

地址 :新橋美的路主教街40A號舖
電話號碼:2852 3084

金利食店

澳門呢個城市每日都會有D人做為左做野而忙到連食飯GE時間都冇,好多都係因為等到個飯出左黎都吾夠時間食,所以今次介紹一個出野出得特別快GE面檔,就係位於雅廉訪大馬路聖心學校斜對面GE一間面檔,佢就係金利

佢地個鋪面睇落好似溶溶爛爛但係咁先係臥虎藏龍GE地方。佢地最出名就係雞米同雜錦米,而家介紹下個雞米,佢地個湯底非常之濃,濃到可以算係一個汁嚟,香口又濃郁,有著啖啖的咖哩香味,米粉特別入味,而D雞可以用入口即溶黎形容,非常滑,一咬落去就只剩下骨頭,吾似其他好似煲過湯咁,值得一試。

而佢GE雜錦米入面有豬肉片, 雞肉片, 魚片, 魷魚等。米GE味道同雞米差吾多但如果喜歡食辣GE朋友們可以試下佢地GE雙汁,雙汁係指辣汁同咖哩汁仲可以再加D辣椒粉係上面, 非常惹味。但見議食得辣先好試,因為以我呢D吾食得辣GE人黎講成個米就會食到好過引。

總體感覺就係同之前介紹過戈間面檔一樣份量比較小,但當下午茶係一個吾錯GE選擇。

地址 :新橋雅廉訪大馬路85號C
營業時間 :星期一至日:07:00-17:15

Previous Older Entries