牛牛小食 – 魚湯粉

美味魚湯粉

“Mo軒鴉”、“Mo軒鴉”。“Mo軒鴉”係緬甸話解作魚湯粉。

 

喺澳門七十年代,好多緬甸華僑過來澳門生活,隨即引入魚湯粉、椰汁雞麵等緬甸o既特色美食,今日係呢到介紹下位於澳門永樂附近o既牛牛小食。

 

牛牛小食係一間緬甸式食店,佢o既招牌魚湯粉真係不得了。有蛋、有豆餅、有魚餅、有油炸鬼、仲有好好味o既魚湯粉。真係食過翻尋味。

 

大家可能覺得奇怪,點解魚湯粉會冇魚?其實啲魚肉已經融入晒啲湯入面,魚同湯已經不能再分開。加上其他香料同魚露,令到啲魚湯昇華到另一個層次。

 

下次大家可以係永樂睇戲之前,去試下佢o既層次去到邊。牛牛小食係由早上十點至晚上十點營業,逢星期日休息。

牛牛小食- http://mo-shopping.com/index.php/shop/getshop/sid/23