牛仔屋麵食

地址 :新橋(三盞燈/白鴿巢)亞利鴉架街14號

電話: (853)  2857 0226

類別 : 粵菜 (廣東)小食/熟食店粉麵/米線

營業時間:星期一至日: 08:00-19:00

 

 

開左甘多年,水準一d都冇退步,一碗美味的雲吞魚球面都係十幾蚊左右,~~

牛肉都好正~~ 仲有撈伊面加咖哩都好正~~

大家不妨尼試試,好多都好好味架,價格又經濟實恵!

荷里活餐廳

地址 :新橋(三盞燈/白鴿巢)澳門羅神父街25號B座地下和閣樓

電話:  (853)  2856 5586

類別 :   西式西餐廳鐵板燒

營業時間:星期一至日: 12:00-01:00

荷理活食扒同埋飲蘇皮湯… 好味~~~都ok好味 塊扒大大的…. 個湯仲有魚翅的

同朋友兩個0岩0岩落船, settle down 後0黎呢度食晚飯.  原先plan trip 時揀呢度純為就腳, 0黎到先知原來係「豉油西餐」格局… 不過餓到咁, 又未試過, 無所謂啦.
叫了個非洲雞set dinner… 個樣望落好辣, 但其實d 紅汁係蕃茄+ 洋蔥+ 椰汁+ 少少辣椒調成的, 食落唔辣, 不過好開胃又惹味.  雞肉幾嫩滑, 雖然唔少骨.  整體唔錯, 食完唔覺漏!
朋友個銀鱈魚set dinner 就一般… 味道唔特別, 魚肉幾滑, 不過d 汁太杰(打了芡?), 食兩啖已經好漏.
另外有芒果布甸甜品, 不過味道太artificial 得滯, 我食了兩啖已經放棄了.

緬華南國小食店

地址 : 新橋(三盞燈/白鴿巢)亞利鴉架街12號地下B座

電話:(853)  2821 0569

 類別 : 緬甸菜小食/熟食店粉麵/米線
營業時間:星期一至日:08:00-21:30
我們首度光顧緬華南國小食此店也是緬甸歸僑開辦。
緬華給我的印象是裝修很懷舊,有香港五六十年代食肆的外貌,舖滿格子地磚和用鐵架圍著廚部,
服務態度可以。緬甸食物的口感介乎印度和泰國之間,蠻有特色,尤其惹味。口感是有水準的。
此小食店的舖面較廣闊,多幾位朋友坐一會談天也無妨。而且除了經營緬甸美食,同時也出售本地食物,如餐肉雞蛋治和餐肉麵,不過他們稱餐肉為午餐雞蛋治,此種叫法容易使人誤會為只有午餐時候提供的雞蛋治

四喜酒家

 地址 :   新橋(三盞燈/白鴿巢)柯利維喇街49-51號地下及閣樓

電話: (853)  2821 1630

類別 :  港式酒樓海鮮點心

營業時間:星期一至日:06:30-21:00
這是間老式茶樓,在下午時份總有不少客人。約略看過,沒有什麼吸引及特別之處,正要離開,卻給一味食物吸引著。
 就是一味炆豬肉,看賣相夠色,腩肉質素佳,是一看也知道的
 就買了一客坐下來吃,夠味,鬆化,肥肉甘香。如果不是還有幾間店子要試吃,來一碗飯來伴吃就真的是完美。

濠景咖啡美食

地址:新橋(三盞燈/白鴿巢)連勝街21號

類別:港式

推介美食: 雞酒米線,豬扒包

係一間家庭式經營既小店,望見他們的裝潢,店子應有廿年以上的歷史吧~環境雖然舊,但都算乾淨,而老闆成日都企係收銀位坐鎮,廚房就兩個師傅,樓面就清一色係女人….

佢地最出色既係 雞酒米線 ,佢地用既係新鮮雞,皮比較簿,冇咩肥膏嗰款,最欣賞佢地夠大方.個碗幾大,就鋪滿為止 ^^..煲上湯時會加上酒同老薑,如果喜愛食薑既人,一定會愛慕,佢地煲前切到一片片,,拍過之後再放入湯裡,這樣薑味更出…薑亦會隨麵附上,,米線,則是交來貨,所以我會要求轉賴粉,因為較幼,在湯匙裡可放粉同湯的比例較1:1

另外,還有到澳門必吃的豬扒包,(我還未吃過最出名的那間,所以不能貨比貨)
但濠景的豬扒包也不錯的~豬扒打得很鬆軟,(他們是用打的,不是用鬆肉粉)
豬仔包烘得裡面暖暖,外面微脆,微脆既外層唔會食到成地都係…

 

濠景其實唔太難搵,係白鴿巢向M記/溜冰場方向直行5分鐘就到。食完之後,行10分鐘左右就到手信街,都幾方便,雖然紅日會開門,但都幾早關門

P.S 大熱天時食雞酒米線的確有點吃力,食完之後大家都在流汗中..還是冬天來吃較好..