Eiffey Cafe & Waffle 艾菲兒

地址: 澳門美的路主教街40號

電話: 2852 3084

類別:下午茶、小食

營業時間:11:00-10:00逢星期一休息

這家咖啡店的名字為艾菲兒,是法國巴黎艾菲爾鐵塔的諧音。從名字的構思和內裡的裝潢就知道,走的是寫意悠閒風格,而擺設和用具充滿著少女情懷,勾劃出一個無拘束又窩心的相聚小天地。

這裡出名的甜點就是鬆餅,普遍的吃法是配上奶油和雪糕,但試過配上鹹的食材如吞拿魚(也可選擇鴨胸肉),也有意想不到的和諧。不可不提, 艾菲兒的焦糖蛋布丁也同樣深受甜姐兒的歡迎。

 

 

小肥羊

地址:新橋(三盞燈/白鴿巢)雅廉訪大馬路57-61號越秀花園地下D及E舖

電話:(853) 2858 1111

類別:蒙古菜酒樓火鍋點心

營業時間:星期一至日: 08:00-14:30; 17:30-02:00

招牌菜:口水雞、蒙古羊肉火鍋

此店供應來自內蒙古的羊肉作火鍋配料,配以中藥調製的湯底,可謂藥膳的一種。除招牌涮羊肉外,還有大量具蒙古特色點心,再加上fusion式的蒙粵點心,即叫即製。

馮記三盞燈豬腳姜

馮記三盞燈豬腳姜

地址: 新橋(三盞燈/白鴿巢)圓形地街市熟食檔

類別: 港式、小食/熟食店

又話無胃口?又周街食野?

酸甜醒胃小食

廣東人傳統孕婦坐月要進食薑醋補身,但由於薑醋酸酸甜甜,現今己成為不少人鍾情的小食之一,而傳統薑醋入面的豬腳和雞蛋含有極豐富的蛋白質,對剛分娩的孕婦和身體較弱的小孩功效尤大。

位於三盞燈圓形地街市熟食檔的馮記三盞燈豬腳姜,有 18 年歷史,除了傳統的薑醋豬腳和雞蛋外,也有提供薑醋豬皮、豬腸、豬耳等食物,種類比一般薑醋店來得多。豬皮、豬腸、豬耳十分入味,醒胃非常。

遠看以為是牛雜,其實是豬腳薑和豬皮,陣陣酸酸甜甜的醋味吸引不少人前來幫襯。

 

荷蘭鮮奶

地址:新橋(三盞燈/白鴿巢)連勝街54號

電話:2830 1466

類別:港式

 

 

 

 

 

 

 

是一間甜品 + 冰室的餐廳 , 食物各方面都很有水準 , 例如 : 公仔麵 , 雞翼 , 芝士蛋包 , 香魚包 , 雙皮奶和香蕉奶昔都不錯 !

最重要就係因為佢d雙皮奶、豬扒包同公仔麵真係好吸引
佢d雙皮奶真係唔錯…好滑 而且…味道唔會太甜
我仲真係食到雙皮呢個效果….
義順o個d…好似只係普通燉奶…冇咁吸引
仲有….大家唔好睇少公仔麵呢樣野……
其實要整得好食 真係唔易……其他我食過o既餐廳都整得好普通
不過..佢地o個d公仔麵整得好爽口 好彈牙……真係好好食
仲有…佢d豬扒包真係好好食..

甜潤坊

地址 : 新橋(三盞燈/白鴿巢)雅廉訪大馬路91號A地舖

電話 : (853) 2821 6927

類別:甜品/糖水

營業時間:星期一至日:1630-0100

招牌菜:木桶豆腐花,

 

 

 

 

 

 

朋友介紹話幾好食,入到去有d茶餐廳感覺,
不過算係幾干淨.
同朋友兩個都唔係d食好多野既人,
所以我地就叫左個榴槤餐.
個榴槤豆腐花,好重榴槤味,我好喜歡食.
兩個先80幾蚊.
算係唔錯啦.不過咁熱既天氣加埋行上行落真係幾辛苦.
食反D甜野,真係冇得頂.

陳光記燒味

陳光記燒味            

地址 : 高士德大馬路

類別: 粵菜 (廣東)、外賣店、燒臘

美食推介:

黑椒燒鴨

皮薄脂肪唔多,肉質幾腍,而且嫩滑,肉理清晰, 個汁惹味,帶有少許黑椒味,有質素,食落又吾怕太辣

食慣一般的傳統燒鴨,可以轉下口味,試下黑椒汁加上傳統燒鴨的配搭,保證一定可以為你的味蕾帶來驚喜!

 

燒鴨脾瀨粉

陳光記的燒鴨脾瀨粉則有它的優勝之處,燒鴨脾啖啖肉, 有少許黑椒味, 而且湯底都好好飲

另外魯味也不遜色, 魯味入味,而且魯水汁香,用來拌飯也胃口大增~

 

檀香山咖啡

 

 

 

 

 

 

 

 

 

這間店外貌裝潢有些少古舊, 但店內的設備都算新淨, 入內問過, 早上沒有套餐式早餐, 叫了一杯鮮奶咖啡, 有些少玉桂粉灑面, 另一杯是普通咖啡, 兩杯都有十分香的咖啡味, 反而普通的咖啡比鮮奶咖啡濃得多, 適合喜歡飲濃味的愛啡之人, 餐蛋治和腿蛋治各一, 蛋煎得過熟, 硬硬實的, 麵包望落去比較粗鞋, 但咬落都相當軟熟, 算不錯了, 加多一碗鮮牛肉通粉, 味道較淡,  食落口感幾好, 有鮮牛肉的UN度, 通粉略淋.

新爽爽豬肉丸美食

地址:新橋(三盞燈/白鴿巢)雅廉訪大馬路109B德運大廈地下B鋪

類別:荼餐廳/冰室、粉麵/米線

營業時間:星期一至日:0700-1800

 

 

 

 

 

 

1)      爽爽招牌雙丸

喺淥豬肉丸同墨魚丸
豬肉丸爽,估不到個墨魚丸仲好味因為爽彈之餘,仲食到大粒嘅黑魚粒添
兩者嘅質感都比較鬆
佢可以有3種食法,跟上湯,即喺好似宜家咁,仲有葡汁同咖喱汁
店員好主動咁”匹”齊葡汁同咖喱汁比我哋試吓
我哋都覺得呢個上湯嘅中式食法最配

2) 爽爽煎韮菜餃

個皮煎得挺身,又薄,韮菜肉餡又多,真喺做到皮薄餡靚

3) 爽爽煎墨魚餅
見個墨魚丸做得咁好,所以就叫埋墨魚餅試埋佢
但個質感明顯比個丸實,而且亦無混到墨魚粒,所以口感上亦稍遜
另外亦油咗d,所以一致喜歡墨魚丸多d

鮨味亭日本料理

地址:新橋(三盞燈/白鴿巢)賈伯樂提督街64號寶誠大廈地下

電話:(853) 2833 2992

類別:日本菜

 

 

 

 

 

 

 

鮨味亭晚餐時間,最好提早1,2日留位,要不然,很可能要等到9點左右才有位子.
這次吃了:
三文魚軟芝士卷物
毎次都很愛吃這裡的卷物,軟芝士的感覺很不錯,軟軟的芝士在口中溶化了,再加上三文魚的味道,真不錯.

三文魚壽司薄餅.
上面有三文魚碎等,不過三文魚的味道不會很重,下面是炸過的壽司,味道還可以的.不過要等得比較久一點.

燈塔小餐館

地址:新橋(三盞燈/白鴿巢)連勝馬路38D地下

電話:(853) 2836 5100 / 2836 5101

類別:葡國菜西餐廳燒烤

美食推介:血鴨、馬介休球、咖啡羊肉

 

血鴨: 味道很美味, 但在個人口味略嫌稍濃, 不過平時都是喜歡口味較淡的食物的.
馬介休球: 可有可冇, 不過都幾脆口.
咖哩羊肉: 驚喜級, 羊肉鮮甜得很, 有咬口但唔韌, 咖哩夠香也夠味, 不到10分鐘, 老公連 汁都清埋, 心想咁好味, 唔知落了幾多味精啦, 但成晚都冇口渴, 抵讚。