23 5 月 2017
by in 未分類
三盞燈係澳門其中一個舊城區，每逄假日都會有好多外地勞動人士聚集GE地方，當然附近就會有佢地口味GE家鄉小食啦，慢慢緬甸菜都可以算係澳門特色之一。今次要介紹GE係位於竹林寺對面GE七賢小食。有好多人認為雅馨好過七賢，但我認為性價比七賢絕對比雅馨更好，所以我今次介紹七賢小食比大家。
我覺得最出名又好食既系雞絲撈麵同椰汁雞麵。首先介紹佢個雞絲撈麵，佢個賣相雖然普普通通，但食落非常吸引，佢個麵上面落左好多炸蒜, 食落又香又甜又趣, 加上佢隻麵條系自家手打,非常有口感，吾似出面D機打麵有鹼水味。加埋辣醬拌生洋蔥，偏酸的辣醬同麵GE醬油香再加上洋蔥的香口，味道GE結合，根本令人食指大動，最重要就係佢個辣的酸減和左麵本身GE醬油膩，真是一試難忘。
到佢個椰汁雞麵，佢個汁比一般外面既濃,所以每啖麵都裹住椰汁同咖哩汁香氣，非常濃郁。加上佢D雞係指咖哩雞但係不會太過辣，仲同佢個汁非常之絕配，根本係係其他緬甸鋪食吾到的口味。
最後佢GE價格非常適中吾會話好貴，水準我認為比其他高，所以呢間七賢小食值得向大家推介。
地址: 新橋羅白沙街1號
電話號碼: 2837 6297
19 5 月 2017
by in 未分類
現在澳門街CAFÉ店開到成行成市，咩種類都有，但性價比高GE都吾係有好多間，今次就等我介紹下一間性價比較高GE一間CAFÉ店比大家啦。佢就係艾菲兒鬆餅。呢間店係以巴黎鐡塔作為主題，店舖裝飾都採用左日本雜貨風格，既可愛又浪漫。味試佢D質量都覺得值回票價。
講番重點，而家就黎介紹下佢個主食滑蛋豬排飯，一睇落佢個飯好似冇咩特別都係蛋加塊豬排，食落雖然佢塊排冇比其他專門賣排為主食GE店好，但比其他CAFÉ做得好，冇咁硬，仲有小小伴菜TIM，認為覺得OK。
都佢個重頭戲啦，話明係艾菲兒鬆餅點可以吾試下佢D鬆餅呢。今次點左個香蕉朱古力冰淇淋鬆餅，我一口咬落去就覺得佢D鬆餅脆度啱啱好配埋個雪糕又係另一種感覺，熱同凍之間係個口入面互相跳動，非常可口。而佢伴碟戈D忌廉我都吾放過，因為實在太軟滑又吾係好甜，所以艾菲兒戈D鬆餅係我食過最好GE，所以大家值得去試。
地址 :新橋美的路主教街40A號舖
電話號碼:2852 3084
12 5 月 2017
by in 未分類
澳門呢個城市每日都會有D人做為左做野而忙到連食飯GE時間都冇，好多都係因為等到個飯出左黎都吾夠時間食，所以今次介紹一個出野出得特別快GE面檔，就係位於雅廉訪大馬路聖心學校斜對面GE一間面檔，佢就係金利。
佢地個鋪面睇落好似溶溶爛爛但係咁先係臥虎藏龍GE地方。佢地最出名就係雞米同雜錦米，而家介紹下個雞米，佢地個湯底非常之濃，濃到可以算係一個汁嚟,香口又濃郁，有著啖啖的咖哩香味,米粉特別入味,而D雞可以用入口即溶黎形容，非常滑，一咬落去就只剩下骨頭，吾似其他好似煲過湯咁，值得一試。
而佢GE雜錦米入面有豬肉片, 雞肉片, 魚片, 魷魚等。米GE味道同雞米差吾多但如果喜歡食辣GE朋友們可以試下佢地GE雙汁，雙汁係指辣汁同咖哩汁仲可以再加D辣椒粉係上面, 非常惹味。但見議食得辣先好試，因為以我呢D吾食得辣GE人黎講成個米就會食到好過引。
總體感覺就係同之前介紹過戈間面檔一樣份量比較小，但當下午茶係一個吾錯GE選擇。
地址 :新橋雅廉訪大馬路85號C
營業時間 :星期一至日:07:00-17:15
05 5 月 2017
by in 未分類
以往D文章都係寫鋪頭、餐廳，我諗大家都想試下其他小食。今次就介紹一個小食檔比大家，呢個小食檔就係位於三盞燈GE馮記豬腳姜，戈排無無聊聊行到三盞燈附近，聞到好大GE醋味，戈個醋味吸左我去一間賣豬腳姜GE小食店，佢就係今次要介紹GE主角—馮記豬腳姜。
講明係賣豬腳姜佢個重點小食當然係佢D豬腳姜啦，但我係一個非常易上火GE人所以D姜就味試過，但佢D蛋同豬耳非常吸我食多幾串，佢D豬耳同蛋完全滲入戈D薑醋，戈種強烈酸味跟本係將人GE胃原全打開，同埋D豬耳非常彈牙，喜歡食酸野GE朋友仔千萬吾好錯過，一定要去試。
小食店都有賣一D類似原來還有印尼三色糕GE糕點，食落去同其他同類型冇咩好大分別都係香甜，煙韌，軟熟，我認為糕點就不過不失。
地址:新橋(三盞燈/白鴿巢)圓形地街市熟食檔
26 4 月 2017
by in 未分類
今次同大家介紹一間位於澳門三盞燈的園林小食店，佢主打都係粉面，大家都以為冇咩特別，但其實園林小食店在澳門係無人不識，佢GE早午晚店裡店外都係長期人頭湧湧，大家想知咩有咁好食?就等我介紹下。
首先介紹佢個豬排米，佢戈碗豬排米比其他鋪頭特別細，所以建議
好似我呢D食量大GE人就叫個加底，講番重點就係佢個豬排就簡直係成碗粉既靈魂，既入味又細軟相當美味，而且仲要啖啖肉又無骨，鬆化無比，簡直係平民界GE米芝蓮。
到佢GE魷魚米，滿滿的魷魚鋪係面，引起魷魚控GE目光，同埋佢D魷魚非常鮮十分彈牙，不會死硬。而最出色的當然是它的咖哩汁，真是世界級，是我每次心思思想吃的最大誘惑。
如果大家有朋友黎澳門不如走走舊區，嘗試一下呢間面檔，自己回味番以前GE感覺，同帶朋友見識不一樣澳門，發掘更多旅遊書味開發的地點，感受繁華中的平靜澳門。
地址:新橋三盞燈飛能便度街25號B
電話號碼:2852 6900
19 4 月 2017
by in 未分類
係舊城區入面其實有好多卧虎藏龍GE人間美食，今次介紹一間事下年青小伙子追奉的文青咖啡店——樂點Café
這間Cafe佈置簡約得來牆上還畫滿以動物為主題的可愛壁畫讓人心情大好。
呢間野主打甜品，所以飯類比較少，但係佢ge飯都係一個代表作，呢個飯就係沖繩塔可飯 ，佢ge賣相非常可愛，面頭有個蛋黃哥，整到食戈個都吾想整爛佢。
呢個飯材料非常豐富有生菜、牛油果、蕃茄、太陽蛋、粟米片、芝士、肉醬、牛肉、豬肉。感覺好fresh、好有口感，牛油果跟脆片一起吃更香口。本人認為份量適中，但如果係兩個女仔食就見議share黎食。
最後介紹埋佢個特色甜品Pancake on the Pan ，身為抹茶控ge我點會吾見Matcha Pancake，厚身Pancake上有一個雪糕，然後再淋上抺茶醬汁，發出喳喳聲，感覺一流，厚厚ge班戟加埋雪糕同抺茶醬，一冷一熱ge口感，令人一試難忘。
地址 :新橋(三盞燈/白鴿巢)鏡湖馬路72號臻華大廈地下
電話號碼:63612723
08 4 月 2017
by in 未分類
每個夜晚大家都有想食野ge時候，咁大家都會諗食咩好呢?定係吾食，一教訓到大天光。而我就會簡，叫齊一班好朋友落去食消夜。
今次就特別介紹一間可以約埋一班三五之己一齊去ge糖水鋪——小甜甜
今次特別介紹佢ge鹽酥雞，雖然個個都會話間間鹽酥雞都差吾多，
但呢個我覺得比其他鋪食落比較香脆又吾會話好咸，正所謂外脆內嫩。喜歡食炸物必定一試
第二個要推介就係佢地個招牌菜“小甜甜”滿滿ge芒果肉令你一試難忘，裹面仲有西瓜同密瓜，最吸引我ge都係佢入面戈d爆珠，咬落去爆出黎戈d糖漿在口入面徘徊非常特別。鍾意甜ge你千萬別錯過。
最後就係介紹佢地重口味ge甜品比大家就係“榴槤雪吻”呢個榴槤雪吻食落去根本就同食一舊榴槤冇分別，佢係用好足料的榴槤肉整成，
可以食到啖啖榴槤肉，下層有d西米可以比到層次ge口感，所以呢個係榴槤控必試ge甜品。
總體黎講價格同食物水準都係成正比，味去過ge人可以值得一試。
地扯:大纜巷5A號華美大廈地下C舖
電話號碼:2835 8136
05 4 月 2017
by in 未分類
在澳門繁華的城市中某一個角落有一間充滿傳統特色的餅店——晶記餅家
現今年青人很難會找到這些傳統的餅店，所以今次就同大家介紹下呢間餅店。
呢間餅店系位於紅街市側門, 旁有數個車仔小檔賣糖水, 豬什粥的出入口對面。鋪位就是小窄斜巷的第一家。
店面會有一個個玻璃瓶內裝有不少舊式食品，而飾櫃下面都放滿陳皮涼菓。最吸引我都系佢ge金錢餅，食起來非常鬆脆同帶有甜感。
蝦籽花生都是值得推介，佢ge外層薄而脆口。一口咬下, 嗦嗦作響, 脆得如響鈴一樣。中間花生也叫脆香, 不會太鹹, 花生肉質口感不錯。
鋪頭老闆人又好又細心，會幫你將易受潮影響ge食物分開幾小袋，所以吃這裡的東西, 總是叫人越吃越起勁!!
地扯:咩啤利士街4A地舖
電話: 6687 5386
23 3 月 2017
by in 未分類
小小的Cafe店，充滿了歐洲風味的特色美食，實在令人流連忘返 ，精緻優雅。
精緻的內部環境，絕對是平日休閒，拍拖談心的好去處。
我是一個十分愛吃甜品的人，我當時點了綠茶拿鐵和心太軟，這間Cafe店舖正正滿足了各位不同食客的需要。
當然不愛吃甜品的客人，也可以點海鮮Pizza，雖然不是大批，但是味道不錯，至於煙三文魚牛角包，賣相不俗，值得一試，海鮮墨魚意粉亦是不錯選擇，而店舖其他的食物，種類亦非常多，賣相又十分漂亮。
在眾多美食的餐單上，店舖負責人及職員積極和用心地向我推介了店舖的特色小食。 至於價錢方面，我認為十分合理，價亷物美。在等侯用餐的時候，店內有免費Wifi可以提供。 如果我下次再來澳門旅遊的時候，我一定會再次重返此地！！
地址：澳門俾利喇街72A號仁新大廈地下
電話：6379 8485
16 3 月 2017
by in 未分類
飲飲食食介紹得太多，今次就介紹一下華生行。
現時澳門人的飲食都比較熱氣，有時候突然就想吃有清熱解毒功用的龜苓膏解解，弟弟順路帶我到三盞燈馳名涼茶糖水店－華生行吃了一份細龜苓膏。
吃的時候好奇耳熟能詳的龜苓膏到底實質是甚麼，上網查一查，維基百科寫說”正統龜苓膏是以受保護動物金錢龜、土茯苓、甘草等中藥材製成凝固的膏狀。現代的龜苓膏已經不會有金錢龜的
成分了，連有沒有廉價草龜龜板成分也沒有保證。
對上述中藥材料完全没有考究的我，一口吃下放了原備有糖水的龜苓膏，好苦，真心苦，幸好我要的是細碗的，不然真的難以吞下整碗，即使混着糖水吃也蓋不了龜苓膏的苦，感覺中藥味
很重，當然我也吃不出是否如其名的真有龜了，可是最後一碗吃下了，原本因為暑熱而口乾的我，突然止掉了渴而舒適多了，而且喉嚨也有一種回甘的味道，感覺此碗龜苓膏雖然苦，但吃
完也確實有生津解渴之用，是解暑的良品。
但須注意的是，按維基百科所述的食用禁忌”因爲龜苓膏可促進血液循環並屬於清涼解毒的食品，因此婦女於月經期間及孕婦不宜食用，體質虛弱者也不宜常食。
除此以外，其實他們還有燉湯及中式糖水，行過路過可以一試。
地址：澳門高士德大馬路75號B
電話： 2851 5185
Previous Older Entries Next Newer Entries
RSS
三盞燈係澳門其中一個舊城區，每逄假日都會有好多外地勞動人士聚集GE地方，當然附近就會有佢地口味GE家鄉小食啦，慢慢緬甸菜都可以算係澳門特色之一。今次要介紹GE係位於竹林寺對面GE七賢小食。有好多人認為雅馨好過七賢，但我認為性價比七賢絕對比雅馨更好，所以我今次介紹七賢小食比大家。
我覺得最出名又好食既系雞絲撈麵同椰汁雞麵。首先介紹佢個雞絲撈麵，佢個賣相雖然普普通通，但食落非常吸引，佢個麵上面落左好多炸蒜, 食落又香又甜又趣, 加上佢隻麵條系自家手打,非常有口感，吾似出面D機打麵有鹼水味。加埋辣醬拌生洋蔥，偏酸的辣醬同麵GE醬油香再加上洋蔥的香口，味道GE結合，根本令人食指大動，最重要就係佢個辣的酸減和左麵本身GE醬油膩，真是一試難忘。
到佢個椰汁雞麵，佢個汁比一般外面既濃,所以每啖麵都裹住椰汁同咖哩汁香氣，非常濃郁。加上佢D雞係指咖哩雞但係不會太過辣，仲同佢個汁非常之絕配，根本係係其他緬甸鋪食吾到的口味。
